«yo‘l harakati xavfsizligi» tegli maqolalar
Marg‘ilon aholisi ombudsmanga murojaat qilib, gavjum chorrahaga svetofor o‘rnatishga erishdi
Marg‘ilon shahridagi “Xo‘ja porso” MFY aholisi avtohalokat xavfi yuqori bo‘lgan chorrahaga svetofor o‘rnatishga ko‘mak berishni so‘rab ombudsmanga murojaat qildi. Ombudsmanning “tegishli tashkilotlar”ga murojaatidan so‘ng masala ijobiy hal etildi.
“Maqsad tanilish edi”. Toshkentda 3 yigit piyodalar o‘tish joyidan stretch plyonkalarga o‘ralgan holda o‘tdi
Chilonzor tumanida uch nafar 20 yoshli yigit piyodalar o‘tish joyidan stretch plyonkalarga o‘ralgan holda o‘tgani uchun 10 sutkaga qamaldi. Yigitlar buni shart bajarish sifatida qilgani, shuningdek, internetga chiqib ketish orqali mashhur bo‘lmoqchi bo‘lganini bildirdi. Ularning otalari holat uchun uzr so‘radi.
Toshkent prokuraturasi yo‘l harakati xavfsizligini ta’minlashga kirishdi. Prokuror murojaati
2023-yilda Toshkent shahrida YTHlar oqibatida 95 kishi halok bo‘ldi, ulardan 10 nafari — bolalar. 1248 kishi (235 bola) jarohat oldi, xususan, 10 nafari umrbod nogiron bo‘lib qoldi. Poytaxt prokurori fuqarolarga murojaatida shaharda yo‘l harakati xavfsizligi sohasidagi ayanchli vaziyat haqida gapirdi.
Deputatlar Achilbay Ramatovning parlament so‘roviga javobidan qoniqmadi
Qonunchilik palatasi deputatlari bosh vazir o‘rinbosari Achilbay Ramatovning yo‘l harakati xavfsizligi bo‘yicha yuborilgan parlament so‘roviga javobidan qoniqmaganini qayd etdi. “Yetarlicha ma’lumotlar taqdim etilmagani uchun” Ramatov 1-dekabrgacha qo‘shimcha javob berishi kerak.
Toshkent ortiq odamlar yo mashinalar shahri emas. U — o‘lim shahri
Toshkent endi odamlar yo mashinalar shahri emas, balki o‘lim shahri. Ko‘chada yo‘l harakatining barcha ishtirokchilarini xavf kutadi. Aholi hayotini saqlaydigan poytaxtni qurish vaqti keldi, deb yozadi so‘nggi ikki kunda turli transport vositalarida bir necha YTHlar guvohi va ishtirokchisiga aylangan Sabina Bakayeva.
Prezident amaldor va deputatlarni yana yo‘llardagi o‘limga befarqlikda aybladi
“Yo‘llarda shuncha odam o‘lib ketyapti, ijtimoiy tarmoqlarga qarab bo‘lmaydi”, — dedi prezident yig‘ilishda. “Nega prezident tashvish qilib, hammani „yondirishi“ kerak? Nimaga deputatlar „yonmaydi“?” — so‘radi u. Qariyb bir yarim yil avval ham u amaldorlarni bunday “favqulodda holat”ga befarqlikda ayblagandi.
O‘zbekistonda piyodalarni urib yuborgan haydovchilar qanday jazolanmoqda? Sud qarorlari sharhi
O‘zbekistondagi YTHlarning qariyb yarmi piyodalarni urib yuborish bilan bog‘liq. Shunday qoidabuzarlikka yo‘l qo‘ygan haydovchilar qanday jazolanmoqda? Shu savolga javob topish maqsadida “Gazeta.uz” sudlarning tasodifiy 50 ta qarorini o‘rgandi. Spoyler: piyoda o‘limi uchun biror bir haydovchi qamalmagan.
Prezident mashinada 1,5 soat Toshkent bo‘ylab aylanganini ma’lum qildi
Shavkat Mirziyoyev avtomashinada Toshkent bo‘ylab bir yarim soat yurib, juda ko‘p qoidabuzarliklarga guvoh bo‘lganini aytdi. «Xohlagan odam xohlaganini qilib yuribdi. Odam qo‘rqib ham ketdi», dedi u.
Yo‘lovchi xavfsizlik kamarini taqmasa, jarimani kim to‘laydi?
Old o‘rindiqda xavfsizlik kamarini taqmagani uchun jarimani yo‘lovchining o‘zi to‘laydi, deya ma’lum qildi IIV. Jarima miqdori BHMning yarmini (135 ming so‘m) tashkil qiladi. Biroq, MJTKga hali yo‘lovchilar javobgarligi bo‘yicha o‘zgartirishlar kiritilmagan.
Toshkentda avtomobil haydash «juda qo‘rqinchli» — Buyuk Britaniya elchisi
«Dunyoning boshqa hech bir mamlakatida men ikki tomonlama qatnov o‘rtasidagi burilib olishlarga duch kelmaganman, bu juda qo‘rqinchli», — dedi Buyuk Britaniyaning O‘zbekistondagi elchisi Tim Torlou. Uning so‘zlariga ko‘ra, ko‘chalarning to‘g‘ri dizayni, cheklangan tezlikka rioya qilish va haydovchilikka o‘qitishni qayta ko‘rib chiqish vaziyatni yaxshilashi mumkin.
Toshkentda yo‘l harakati xavfsizligi bo‘yicha komissiya tashkil etilmoqda
Toshkentda jamoatchilik vakillari ham a’zo bo‘lgan Yo‘l harakati xavfsizligi komissiyasini tuzish rejalashtirilmoqda. Birinchi o‘rinda Vision Zero (nol o‘lim) konsepsiyasi asosida YTHlarda jarohatlanish va o‘lim holatlarini kamaytirish bo‘yicha dastur qabul qilinadi. Yagona organ — Yo‘l harakatini tashkil etish markazini tuzish ham ko‘zda tutilgan.
O‘zbekiston Vision Zero elementlarini hayotga tadbiq qilmoqchi
O‘zbekiston harakat xavfsizligini ta’minlash uchun 10 dan ortiq xorijiy davlat tajribasi, jumladan, Vision Zero strategiyasini hayotga tadbiq etmoqchi. IIV rahbari o‘rinbosari Bekmurod Abdullayevning so‘zlariga ko‘ra, ushbu tajriba Farg‘ona viloyatida yaxshi natija bergan. Endilikda piyodalarga yo‘llarni kesib o‘tish uchun sharoit yaratish bilan birga qoida buzganlarini jazolash ham ko‘zda tutilmoqda. UNICEF hamkorligida esa bolalar uchun video va kitob shaklida qo‘llanmalar ishlab chiqiladi.
Yo‘l harakati xavfsizligini ta’minlash bo‘yicha Respublika komissiyasi tashkil etiladi
Prezident Shavkat Mirziyoyev yo‘l harakati xavfsizligini ta’minlash bo‘yicha Respublika komissiyasi tashkil etilishini ma’lum qildi. Unga bosh vazir Abdulla Aripov rahbarlik qiladi, uning o‘rinbosari ichki ishlar vaziri Po‘lat Bobojonov bo‘ladi. Hududiy komissiyalarga esa hokimlar rahbar etib tayinlanadi. Komissiyalar yo‘llar holati va mavjud infratuzilma hamda avariya o‘choqlarini o‘rganadi.
Toshkentda yo‘l harakatini raqamli boshqarish tizimi to‘liq poytaxt hokimiyati tasarrufiga o‘tkaziladi
Prezident Toshkent shahrining 602 ta chorrahasidan 111 tasidagina raqamli boshqaruv mavjudligi, boshqa shaharlarda esa bunday tizim umuman yo‘qligini tanqid qildi. Shundan kelib chiqib, Toshkentda yo‘l harakatini raqamli boshqarish tizimi to‘liq poytaxt hokimiyati tasarrufiga o‘tkazilishi aytildi.
Prezident birinchi marta yo‘llarda harakat xavfsizligini ta’minlash masalasida yig‘ilish o‘tkazadi
Prezident Shavkat Mirziyoyev yo‘llarda harakat xavfsizligini ta’minlash masalasida yig‘ilish o‘tkazadi. Bu davlat rahbari raisligida aynan shu masalaga bag‘ishlangan birinchi yig‘ilish bo‘ladi. Kuni kecha Avtotest va Autodriver asoschisi Komil Allamjonov «yo‘llarda YTH soni va o‘lim sonini qisqartirish uchun» kurash boshlaganini ma’lum qilgan edi.
Yo‘l harakati qoidalarini muntazam qasddan buzadigan haydovchilarga nisbatan javobgarlik kuchaytiriladi
Yo‘l harakati qoidalarini muntazam qasddan buzadigan haydovchilarga nisbatan javobgarlikni kuchaytirish, jumladan, transport vositasini boshqarish huquqidan uzoq muddatga mahrum qilish tarzidagi chora joriy etilishi rejalashtirilmoqda. Shuningdek, «yo‘lda bezorilik» sodir etgan haydovchilar uchun ma’muriy javobgarlik o‘rnatiladi.
Toshkentda 60 foiz respondentlar maktabga olib boruvchi yo‘llarni xavfli deb hisoblaydi
YUNISEF va IIV YHXBB Yu-Report loyihasi doirasida maktablar yaqinidagi yo‘llar xavfsizligi bo‘yicha so‘rov o‘tkazdi. Aksariyat respondentlarning (Toshkentda — 60 foiz) maktabga olib boruvchi yo‘llarni xavfsiz emas deb hisoblashi ma’lum bo‘ldi. O‘quvchilarning katta qismi maktabga piyoda boradi.
Fatvo: Katta tezlikda mashina haydash oqibatida vafot etgan haydovchi o‘z joniga qasd qilgan maqomida bo‘ladi
O‘zbekiston musulmonlari idorasi Fatvo hay’ati yo‘l harakati xavfsizligi qoidalariga rioya etish masalasidagi savolga javob berar ekan, katta tezlikda mashina haydash oqibatida vafot etgan haydovchining o‘z joniga qasd qilish maqomida bo‘lishiga fatvo berdi.
«Mobillik — bu faqatgina avtomobillarga xos xususiyat emas» — Xelena Freyzer
BMTning O‘zbekistondagi doimiy koordinatori Xelena Freyzer «Gazeta.uz»ga Global yo‘l harakati xavfsizligi haftaligining maqsadlari va piyodalar avtomobillar oqimi bilan kesishadigan ko‘chalarda tezlikni 30 km/soatgacha pasaytirishning ahamiyati haqida gapirib berdi.
Shaharlarda transport tezligini pasaytirish to‘g‘risida petitsiya e’lon qilindi
Mening Fikrim onlayn-petitsiya portalida shaharlarda transportning ruxsat etilgan tezligini 50 km/soatgacha va ijtimoiy ahamiyatga ega obyektlar yaqinida 30 km/soatgacha kamaytirish bo‘yicha petitsiya e’lon qilindi. Bunday qoidalar barcha rivojlangan mamlakatlarda amal qiladi.
Qo‘shimcha imkoniyatlarga ega bulish uchun saytda ro‘yxatdan o‘ting